حسناً ايها النبلاء
هذه هي الاخت والصديقة نيبال من العراق
وهي شخصية رائعة رغم عصبيتها
وغموضها احيانا
اليها نرفع
الابوذيات
كمن يرفع تعاليم اوروك لعشتار وحده
-----------
دقيقة اشرب استكانة جاي يا نيبال
.
.
ثوب الحزن بفراقك لبسنه
وثقيل الطبع طبعه لو لبسنه
ولك خدك ما وصلناله لا ... بسنه
تزعل ليش يمدلل عليه ؟
.
.
.
تظل صاحب فضل وشكبر فضلاك
وخلقي ما فضه إلغيرك وفضلاك
أميزك علـ الخلك كله وفضلاك
وبسمك احترز صبح ومسية
.
.
.
هم بشرب استكانة جاي يا نيبال
.
.
.
عليك الليل كله انه ونه
ومعاك العتب هسه ان اوانه
أتهدد بالتكبر انه .. وانه
وينك مو كبر دهري عليه
.
.
.
.
غرامك أثر بالعشق وداره
هجرت الي تعب وياك وداره
سمعت بقيس عاف أهله وداره
حملت الضيم وهمومك سوية
.
.
.
.
نيبال اسمك اهوايا احنا شخطنه
ازدحام قلوب في دربك وماشي خطنه
شتظن من قد حلاتك ما شخطنه
إليشوفك ينشخط مية بالمية
.
.
.
نيبال شأرد اسلوفلج ولا اقدر
والهموم استحلت بي والقدر
إلى جان وقتي ... والقدر
وصرت انته والوقت عليه
.
.
.
نيبال استكانة الجاي ما اشوفها لا يكون بلعتها
.
.
.
القلب عارف الناس كلها ولك راد
تغرب عاش بوطانه ولك راد
العرب ما طيبو علتي ولا اكراد
وانا المظلوم وانته تزيد بيه
.
.
.
نيبال
بروح اشتري لعيونج ورد جاي
الى مني رحت دربك ارد جاي
ولا يهم روحي لو موتي غصب جاي
استكانة جاي ضاعت من ايديه
تحياتي
يا صديقتي نيبال
رشدي الغدير
----------------------
عاشت الايادي نيبال على النقل المميز للابوذيات القديمة التي تعتبر من تراث البلد
وسر موجر بكلبي من يبينه
اذا مره انتخينه من يبينه
نهد العالي بعلو الثريا
شكرا جزيلا ياصديقي العزيز رشدي وضحكت على استكان الجاي
رشدي ونيبال
استمتعت بقراءة ما كتبتوا
عبادي
inshallh r6't 3nk
Fahd
wallh lo dreet thani mrrh ankm t-hawshto ya welkom mni
ana mo fa'6e kl yooom ara'6e benkom :P