توحشني --- عامية

 

 

وتوحشني ....

واجيك  اشتكي ..

عيونك

وعينك الخثرى  .... .

منايه

تقول  وش سوت

عيوني من خطايا ..

اقول  ابداً .. جب مرايه ..

ناظر السحر وتأمل ..

والله انك تعشق

اعيونك معايا ..

وما تلاقي .. للهوى..

 في ناعس اهدابك ..

نهاية ..

 

و توحشني

 

وتمطر داخلي

غيمه  تغرقني

اهيم بشوقي 

لك  أهواك

اغني لك انا اتمناك...

ليه  افتح عيني ماالقاك 

اشيلك داخلي طيبة

وذنب يحلالي تعذيبة

وشي ظايع محاة الهم

في لحظة اعيونك اتجيبة

حلمت البارح

بشعرك سكن كفي

وذيك البسمة في

اعيونك وشي مخفي

و في لحضة صمت... 

سألتك انت  ... هاذا انت...

زعلت ورحت ..

 وشعرك بعدة ابكفي ..

وبقيت وحدي   

الملم همي ودموعي   . . . 

 اسحب رجلي في ارجوعي

واحلف عمري ماحبك

وانت تسكن اظلوعي

واغنيلك انا اتمناك... 

وافتح عيني ماالقاك

وتوحشني ....

واجيك  اشتكي ..

عيونك

وعينك الخثرى  .... .

 منايه

تقول  وش سوت

عيوني من خطايا ..

اقول  ابداً .. جب مرايه ..

ناظر السحر وتأمل ..

والله انك تعشق اعيونك معايا ..

وما تلاقي .. للهوى..

في ناعس اهدابك .. نهاية ..

و توحشني

                                                    رشدي الغدير

roshdi_r@hotmail.com