أذكر أني..
قبل أمي ..
ترتكبني ...
قبل همي ...
قالت أمي : يا ولدي
قلت : سمي
قالت ..بعد ما حالت ..
تراتيل الطحين و مرقدي ...
قالت : أسمع يا ولدي....
/
( يا امك الدنيا مشاوير وظلام ..
اللي يركض يسكن بروحه ... وجع ..
ومن توجع ... ما رجع ..
مات في ايده ... سلام ..
واللي يسكت ..
حقه ضايع ...
واللي بايع ....
ضاع ... في وسط الزحام
يا امك أمشي في ركاده
والسعادة ...للحطام
وقبل نومك يا ولدي ..أرقد ونام ..
يا ولدي ..أرقد ونام )
/
ثم .. ضمتني ... وراحت ...
ورغم هذا ...
باقي في عيوني كلام ...
.
.
أرجعت أمي وشافت ... مدمعي ...
قالت أمي :..صوتي بعثر هالمدامع ...
يا ولدي ...
قلت أبداً يا بعدي ...
صوتك اللي حيل بارع.
رتب أطراف ...
المدينة ...
والسواحل ...
والمدارس ...
والشوارع ..
صوتك أكبر من مجرد صوت وبس ...
صوتك ... إنسان يسقي أغصان ...
الدمع فيها ... يبس ...
صوتك ...
النبض ...
الحياة ...
صوتك ...
ارواح ...
ونفس ...
والله صوتك ما يرتبني ..وبس...
والله صوتك ما يرتبني ..وبس...
/
ضمت أمي وجهها فيني غيوم
ثم أذن المنادي ...
أذن بنومي ... وتتثاوب نجوم ...
صاحت أمي : يا ولدي أرجوك قوم ...
يا ولدي البس هدوم ...
يا ولدي قم ....
فاتتك ...
ركعة ...
ومسافة ...
وأكتمال ...
وريق ...
وغفران ...
وهموم ...
قم دخيلك ...السما تطفي وما فيني عزوم
قم دخيلك ..فيني نوم فيني نوم فيني نوم
قم دخيلك ..الحلم يمطر وانا وجهي سموم
قم دخيلك ..قم ..
/
( والله أني كنت أشوف أمي تضمني ..وأتعثر ..وترفع الشمس القديمة ..وأتبخر وكلما طحت بمصيبة ..أقول .. سمي ..تنفض أجراحي وتنفث ريقها آية وتد (قل هو الله احد الله الصمد) أيه يمه ولدك الي ما قعد .. ولدك الي يشتم البيت القديم ومرقدة والحارة وأطفال وبلد والدك الي من ورى عيونك حياته ما سجد ولدك اللي يسكر بكل النساء ولدك الي لحن اللذة غناء ...ولدك الي عاش عمره في رياء .. كان يفتح هالدفاتر ..كان يحاول يعبر الروح بطريقه ..كان يفتح هالدفاتر ...لا أكتمل وجه المسافر ...بل ريقه ..ثم تغنى في عشيقة ..تشبه امه ..لكن ما تطيقه ... ما تطيقه ..)
/
كان يذكر صورتك ..
كلما هالقلب ...طاح ..
يشتري ورد لحضورك ...
وخاتم لشمس الصباح ...
يصرخ بكامل وريده...
صوته أقرب للنباح ...صوته أقرب للنباح ...
وكل ليلة يذرف دموعه بعيد ..
داخله صوت المعاول ...والعبيد ..
يصرخ بكهفه ...
يصرخ .. و يسكت ....
يسكت ...
يسكت ....
ما يزيد ...
ولدك اللي ....
مارس المرقد طحينه ..
أرتكب اثمه بعينه ...
صار شخص(ن)...
ما تريدينه ...
ولا هو له يريد ..
وكل ليلة يذرف دموعه بعيد ...
داخله صوت المعاول ...والعبيد ..
قالت أمي ... قالت أمي ...
يا امك الدنيا مشاوير وظلام ..
أيه يمه ..أيه يمه الدنيا مشاوير وظلام ...
.
.
رشدي الغدير
.
.
هنا بالصوت على هذا الرابط ...
http://www.youtube.com/watch?v=9waCT_hF55E
ليست هناك تعليقات:
إرسال تعليق